Ամերիկյան Ալաբամա նահանգը՝ նահանգապետ Կեյ Աիվեյի հռչակագրի համաձայն, ճանաչեց չորս ազգերի նկատմամբ գործած ցեղասպանության սարսափելի հանցանքը: Ամերիկայի Հայ Ազգային կոմիտեի-Արևելյան տարածաշրջանի (ANCA-ER) հռչակագիրն առնչվում է 1915-1923թթ. իրադարձություններին:
Առավել հստակ՝ Ալաբաման ճանաչում և դատապարտում է շուրջ երեք միլլիոն ասորիների, արամեացիների, հայերի և հույների նկատմամբ ոճրագործության հիմնական ծրագրի նախագծումն ու իրականացումը:
«Ողջունում ենք նահանգապետ Աիվեյի` ցեղասպանությունը մերժող հռչակագրի ընդունումը, որի շնորհիվ Ալաբաման դարձավ ԱՄՆ 49-րդ նահանգը, որը պաշտոնապես հաստատում է մարդկության դեմ գործած մեծագույն հանցանքը», հայտարարեց ANCA-ER –ի տնօրեն Սթիվ Մեսրոբյանը: Ինչպես նշվեց. «Այս հռչակումը հզոր հիշեցում է այն բանի, որ ցեղասպանության մասին ճշմարտությունը երբեք չպետք է անտեսվի հանցագործների՝ այն ժխտելու պատճառով կամ նրանց, ովքեր շարունակում են օգտվել հանցագործությունից »: Սթիվ Մեսրոբյանը շնորհակալություն հայտնեց հայկական համայնքին, ինչպես նաև Ամերիկայի Հայ Ազգային կոմիտեի աջակիցներին, որ միավորեցին իրենց ուժերն ամերիկյան ազգին մեկ անգամ ևս իրողության մասին հիշեցնելու համար :
Այս թանկարժեք փաստաթուղթն՝ ի թիվս այլոց, հաստատում է, որ Արևելքում միլիոնավոր քրիստոնյաներ տարբեր ճանապահներով սպանվել կամ ոչնացվել են Օսմանյան Թուրքիայի կողմից, սակայն այդ հանցանքները շարունակում են մնալ անպատիժ: Հիշատակվում են նաև 1915-1930թթ. հայերի փրկության գործում «Մերձավոր Արևելք» կազմակերպության օգնության և Ալաբամա նահանգի ակտիվիստները, որոնք օգնեցին նաև ցեղասպանություն վերապրած հույներին և ասորիներին փրկելու գործողություններում: Ալաբամա նահանգը ճանաչում է նաև Իսլամական Պետության կողմից մեր օրերում կատարված ցեղասպանությունները քրիստոնյանների նկատմամբ, ինչպես նաև Ռուանդայի, Կամբոջայի և Բոսնիայի ժողովուրդների ոչնչացումը:
Այս հռչակագրով ամերիկյան նահանգի նահանգապետը 2019թ-ի ապրիլ ամիսը հայտարարեց « Ցեղասպանության իրազեկման ամիս» :
Ալաբամայից հետո ամերիկյան միակ նահանգը, որը չի ճանաչել հայոց ցեղասպանությունը, Միսիսիպին է : Սակայն այդ նահանգի կողմից Ցեղասպանության ճանաչումը, թերևս, չի ուշանա, քանզի Միսիսիպիի հայկական համայքնը այդ ուղղությամբ մի շարք կարևոր քայլեր է արել:
Թարգմանությունը՝ Նաիրա Կարապետյանի