Դեկտեմբերի 15-ին Տավուշի մարզում աշխատանքային այցով գտնվող Հայաստանում Հունաստանի դեսպան Խրիստոս Սոֆիանոպուլոսը այցելեց Նոյեմբերյանի հունական համայնք։ Պարոն դեսպանը ծանոթացավ համայնքի անդամների հետ, տեղեկացավ գործունեության և խնդիրների մասին։
Նոյեմբերյանի և Գյումրու հունական համայնքները նշեցին «Օխի»-ի օրը
Հոկտեմբերի 28-ին Նոյեմբերյանի մշակույթի տանը Նոյեմբերյանի «Օլիմպոս» և Գյումրու «Էլլադա» հունական համայնքները համատեղ միջոցառում իրականացրին՝ նվիրված «Օխի»-ի օրվան։ Ներկաներին ողջունեց և օրվա խորհրդին անդրադարձավ Նոյեմբերյանի հունական համայնքի նախագահ Թամարա Թամազյանը, հաջորդեցին համայնքի պատանիների հունարեն կատարումները և «Շիրակի հույներ» պարի համույթի ելույթները։
«Երիտասարդ եվրոպական դեսպաններ»-ի ցուցահանդեսը՝ նվիրված ազգային փոքրամասնություններին
«Եվրոպական ժառանգության օրեր 2025»-ի և Հայաստանում ազգային փոքրամասնությունների օրվա շրջանակում «Երիտասարդ եվրոպական դեսպաններ» նախաձեռնությունը հոկտեմբերի 25-ին կազմակերպել էր ցուցահանդես՝ նվիրված Հայաստանում ապրող ազգային փոքրամասնությունների մշակույթին և առօրյա կյանքին։ Միջոցառմանը ներկա Էին Հայաստանում ԵՄ դեսպան պարոն Վասիլիս Մարագոսը, Հունաստանի դեսպան պարոն Խրիստոս Սոֆիանոպուլոսը, Իտալիայի դեսպան Ալեսսանդրո Ֆերրանտին։ Հայաստանի հունական համայնքների միությունը միջոցառմանը ներկայացավ ՆԻՍԻ պարի խմբի […]
Միության երիտասարդները մասնակցեցին Հունաստանի ԱԳՆ ծրագրերին
Հուլիս և սեպտեմբեր ամիսներին Հայաստանի հունական ծագում ունեցող շուրջ երկու տասնյակ երիտասարդներ, այդ թվում նաև՝ Հայաստանի հունական համայնքների միության երիտասարդները, մասնակցեցին Հունաստանի Արտաքին գործերի նախարարության Սփյուռքի հարցերով քարտուղարության նախաձեռնած երեք ծրագրերի։ Ծրագրերը ներառում էին ճանաչողական մշակութային այցեր դեպի Հունաստանի տարբեր քաղաքներ և տեսարժան վայրեր, հունարենի երկշաբաթյա ուսուցում Իոաննինա քաղաքում և հունական սփյուռքի պարուսույցների վերապատրաստման դասընթացներ։
Ամփոփվեց հույն երեխաների ամառային 6-րդ ճամբարը
Հունիսի 30-ին Ստեփանավանում ավարտվեց հույն երեխաների ամենամյա եռօրյա ճամբարը, որին մասնակցում էին հունական ծագում ունեցող 24 երեխա և 11 մեծահասակ ջոկատավար՝ Հայաստանի տարբեր քաղաքներից։ Այս տարի, որպես հիմնական ջոկատավարներ մասնակցում էին նաև Ավետը (Ստեփանավանից) և Անուշը (Նոյեմբերյանից), ովքեր առաջին տարիներին եղել են մեր ճամբարի մասնակիցները։ Նրանք օգնում էին կազմակերպչական բոլոր հարցերում և միաժամանակ ձեռք էին […]
Միջոցառումներ՝ նվիրած պոնտացի հույների ցեղասպանության օրվան
Մայիսի 19-ին Ալավերդու, Ստեփանավանի, Հրազդանի և Նոյեմբերյանի հունական համայնքների անդամները ծաղիկներ խոնարհեցին Պոնտոսի հույների ցեղասպանության զոհերի հիշատակին։ Նույն օրը Շիրակի մարզի հունական համայնքի անդամները՝ համայնքի ղեկավար Կենսաբեր Իսպիրյանի գլխավորությամբ, մաքրության աշխատանքներ իրականացրին Հովտուն գյուղի հունական հուշարձանի տարածքում՝ ի հիշատակ ցեղասպանության զոհերի։ Հրազդանի հունական համայնքում ցուցադրվեց «Պոնտոս․ Մեծ ժամանակներ» փաստավավերագրական ֆիլմը։
Հունական համայնքը հարգանքի տուրք մատուցեց նախնիների հիշատակին
Մայիսի 19-ին Հայաստանի հունական համայնքների միությունը Ծիծեռնակաբերդում հարգանքի տուրք մատուցեց Պոնտոսի հույների ցեղասպանության զոհերի հիշատակին։ Ոգեկոչման արարողությանը մասնակցում էին ՀՀ-ում Հունաստանի հյուպատոս Էմանուիլ Ասիմակոպուլոսը, Հայաստանի հունական համայնքի ներկայացուցիչներ և քաղաքական գործիչներ։ Հիշատակի միջոցառումը շարունակվեց Հայոց ցեղասպանության թանգարան-ինստիտուտում, որտեղ ելույթներով հանդես եկան թանգարանի գիտաշխատողներ Սուրեն Մանուկյանը և Թեհմինե Մարտոյանը։ Ցուցադրվեցին նաև ցեղասպանագիտության ոլորտում հայտնի […]
«Տոկեի Մարու» գիրքը և ֆիլմը ներկայացվեցին հունական համայնքին
Մայիսի 17-ին Հայաստանի հունական համայնքների միության կենտրոնում հյուրընկալվել էր ճապոնագետ, տնտեսագիտական գիտությունների թեկնածու Աննա Վարդանյանը։ Նա ներկայացրեց իր արժեքավոր հետազոտությունը և գիրքը (խմբագիր՝ Թ. Մարտոյան)՝ նվիրված 1922 թվականին Զմյուռնիայի կոտորածների ժամանակ ճապոնական «Տոկեի Մարու» նավի և նրա նավապետի մարդասիրական արարքին։ Միջոցառման մասնակիցները հնարավորություն ունեցան նաև դիտելու հույն ռեժիսոր Զախոս Սամոլադասի «Tokei Maru» անիմացիոն ֆիլմը […]
Համշենական և պոնտական պարերը հայ-հունական մշակութային խաչմերուկում
Ապրիլի 26-ին Հանքավանում տեղի ունեցավ միջոցառում՝ նվիրված էր հայ և հույն ժողովուրդների մշակութային դարավոր կապերին։ Միջոցառումը կազմակերպվել էր Հայաստանի հունական համայնքների միության, Green Hills Resort հյուրանոցի, «Ափ Ափի», «Վարը Վարենկ» և Ipsilon Drive Tour կազմակերպությունների համագործակցությամբ։ Միջոցառմանը ներկա էին Հայաստանի Հանրապետությունում Հունաստանի արտակարգ և լիազոր դեսպան պարոն Խրիստոս Սոֆիանոպուլոսը, հյուպատոս պարոն Էմմանուիլ Ասիմակոպուլոսը, տնտեսական հարցերով […]
«Նոր հայրենիք» փաստավավերագրական ֆիլմի ցուցադրություն Միության կենտրոնում
Ապրիլի 12-ին Հայաստանի հունական համայնքների միության կենտրոնում ցուցադրվեց Կոստանդիանոս Գեորգոպուլոսի «Նոր հայրենիք» փաստավավերագրական ֆիլմը։ Ֆիլմի ցուցադրության նախաձեռնությունը՝ Թեհմինե Մարտոյանի։ Ցուցադրությանը ներկա էր նաև այս օրերին Հայաստանում գտնվում հույն լուսանկարիչ Սպիրոս Պալուկիսը։