Մարտի 30-ին Նոյեմբերյանի «Օլիմպոս» հունական համայնքում տեղի ունեցավ միջոցառում՝ նվիրված Հունաստանի անկախության 203-ամյակին։ Միջոցառումը սկսվեց համայնքի երեխաների կողմից Հունաստանի և Հայաստանի ազգային օրհներգերի կատարմամբ, որից հետո երեխաները ողջունեցին ներկաներին։Նոյեմբերյանի երաժշտական դպրողի քանոնի դասարանի սաների կատարմամբ և դաշնամուրի նվագակցությամբ հնչեց հունական սիրտակի։
Ցուցադրվեցին գեղարվեստի դպրոցի սաների նկարչական ստեղծագործությունները հունական մշակույթի թեմաներով։
Միջոցառման հյուրերը հնարավորություն ունեցան նաև հունական ուտեստներ համտեսել՝ պատրաստված հունական համայնքի կանանց կողմից։
Միջոցառման ավարտին Նոյեմբերյանի համայնքապետարանը նվերներ հանձնեց հունական համայնքի երեխաներին։
Հունական համայնքի ղեկավար՝ Թամարա Թամազյան-Լազարիդի
