Ապրիլի 12-ին Հայաստանի հունական համայնքների միության կենտրոնում ցուցադրվեց Կոստանդիանոս Գեորգոպուլոսի «Նոր հայրենիք» փաստավավերագրական ֆիլմը։ Ֆիլմի ցուցադրության նախաձեռնությունը՝ Թեհմինե Մարտոյանի։ Ցուցադրությանը ներկա էր նաև այս օրերին Հայաստանում գտնվում հույն լուսանկարիչ Սպիրոս Պալուկիսը։
Մարտի 31-ին Նոյեմբերյան քաղաքի Մշակույթի կենտրոնում տեղի ունեցավ Հունաստանի Անկախության օրվան նվիրված միջոցառում։ Միջոցառում-ցուցահանդեսը կազմակերպվել էր Նոյեմբերյանի համայնքապետարանի և Նոյեմբերյանի «Օլիմպոս» հունական համայնքի և համագործակցությամբ և հատկանշում էր հայ-հունական դարավոր բարեկամությունը։ Միջոցառման իրականացմանը մեծապես աջակցեց Նոյեմբերյանի համայնքի ղեկավար Արսեն Աղաբաբյանը։
Մարտի 30-ին Հայաստանում Հունաստանի դեսպան Խրիստոս Սոֆիանոպուլոսը, հյուպատոս Էմմանուիլ Ասիմակոպուլոսը, տնտեսական հարցերով կցորդ Էֆտիխիա Բակոպուլոն այցելեցին Գյումրու հունական համայնք։ Հյուրերը հանդիպեցին հունական համայնքի անդամների հետ, այնուհետև այցելեցին Բայթար գյուղ, որտեղ գտնվում են հունական հուշարձաններ։
Հունաստանի Անկախության տոնի առթիվ մարտի 27-ին Հայաստանի հունական համայնքների միության կենտրոնում ցուցադրվեց «200 տարվա ճանապարհ» ֆիլմը։ Ցուցադրությանը ներկա էին Հայաստանում Հունաստանի արտակարգ և լիազոր դեսպան Խրիստոս Սոֆիանոպուլոսը, հյուպատոս Էմմանուիլ Ասիմակոպուլոսը, տնտեսական հարցերով կցորդ Էֆտիխիա Բակոպուլուն, համայնքի անդամներ և սովորողներ։
Փետրվարի 9-ին Հունարենի համաշխարհային օրվա շրջանակում Հայաստանի հունական համայնքների միությունը Ե․ Չարենցի անվան գրականության և արվեստի թանգարանում կազմակերպել էր միջոցառում՝ նվիրված հույն մեծ գրող Նիկոս Կազանձակիսին։ Միջոցառման ընթացքում հունարենով և հայերենով հատվածներ ընթերցվեցին Կազանձակիսի «Քրիստոսը կրկին է խաչվում», «Վերջին փորձությունը», «Կապիտան Միխալիս» և «Հույն Զոռբան» գրքերից։ Ընթերցումները զուգակցվեցին դաշնամուրային կատարումներով։ Դաշնակահար՝ Անահիտ Դիլբարյան։ Միջոցառմանը հունարենով […]
Օրեր առաջ Հրազդան քաղաքի Լևոն Խեչոյանի անվան թիվ 10 ավագ դպրոցում և Գավառ քաղաքի թիվ 5 հիմնական դպրոցում տեղի էին ունեցել Մշակութային խաչմերուկ խորագրով միջոցառումներ, որոնց ընթացքում աշակերտները ներկայացրել են տարբեր ազգերի մշակույթները, այդ թվում՝ հունականը։ Հունական մշակույթին նվիրված հատվածի պատրաստմանն ուսուցիչներին և աշակերտներին աջակցել են Հրազդանի հունական համայնքի անդամները։ Միջոցառմանը ներկա էր նաև Հրազդանի […]
Նոյեմբերի 22-ին «Նարեկացի» արվեստի միությունում տեղի ունեցավ հույն ռեժիսոր Կոստանդինոս Գեորգոպուլոսի «Նոր հայրենիք» լիամետրաժ փաստավավերագրական ֆիլմի ցուցադրությունը: Ֆիլմի ցուցադրության նախաձեռնությունը՝ Հայոց ցեղասպանության թանգարան-ինստիուտի ավագ գիտաշխատող, պ․գ․թ․ Թեհմինե Մարտոյանի։ Ցուցադրությանը ներկա էին Հայաստանում Հունաստանի դեսպանության ռազմական կցորդ Խրիստոս Արսենիուն, տնտեսական հարցերով կցորդ Էֆտիխիա Բակոպուլոն, Հայաստանի հունական համայնքի անդամներ, թանգարանների գիտաշխատողներ և ուրիշներ։
Հոկտեմբերի 21-ին Հրազդանի «Անաստասի» հունական համայնքում տեղի ունեցավ կազմակերպության հերթական ժողովը։ Կազմակերպության նախագահ Կոստյա Ավգիտովը ներկայացրեց իր գործունեության հաշվետվությունը, ապա առաջադրեց Էլլադա Մուրադովայի թեկնածությունը կազմակերպության նախագահի պաշտոնի համար։ Խորհրդի անդամների միաձայն քվեարկությամբ Էլլադա Մուրադովան ընտրվեց Հրազդանի «Անաստասի» հունական համայնքի նախագահ։
Հոկտեմբերի 20-ին մեր գրասենյակում տեղի ունեցավ «Հին Հունաստանի արվեստը․ սափորանկարչություն» թեմայով դասախոսություն, որը վարեց Հյուսիսային համալսարանի դասախոս Ռուզան Անանյանը։ Միջոցառումն իրականացվել էր «Սոցիալական և երիտասարդական աշխատողներ» ՀԿ-ի կողմից՝ Եվրոպական երիտասարդական հիմնադրամի օժանդակությամբ, Reloading inclusion for minority youth ծրագրի շրջանակներում։
Սեպտեմբերի 18-ին մեր գրասենյակում հյուրընկալեցինք Հունաստանի սփյուռքի հարցերով գլխավոր քարտուղարության պատվիրակությանը, գլխավոր քարտուղար տիկին Մայրա Միրոյանիին, Հայաստանում Հունաստանի դեսպան պարոն Խրիստոս Սոֆիանոպուլոսին և հյուպատոս պարոն Էմանուիլ Ասիմակոպուլոսին։
